MINISTÈRE DE L’ENSEIGNEMENT SUPÉRIEUR ET DE LA RECHERCHE SCIENTIFIQUE
Direction de l’Enseignement Supérieur Public et Privé — Service d’Appui au Baccalauréat
Session 2000 — Série C-D
| Épreuve : MALAGASY | Coefficient : 4 |
| Durée : 03 heures 15 minutes |
LAZA ADINA I: FAMAKAFAKAN-KEVITRA
Hoy ny mpandinika sasany:
“Loharanon-karena ara-tsaina sy ara-panahy lehibe tokoa ange ny fahasamihafana raha entina hifamenoana e! Tsy vahaolana ny fanomezan-tsiny raha tsy ny hahalavorary ny fifandraisana no zava-kinendry aminy”.
Fanontaniana: Fakafakao
LAZA ADINA II: FANADIHADIANA LAHATSORATRA
Ah! Ny farasisan’ny ditra sy ny filibana! Ireny no manorisory ny androm-panalebiazana, na dia efa niofana teo amin’ny fibebahana aza ny fo.
Ny fanahy no mety ho fotsy toy ny oram-panala, ny nofo kosa nianjady loatra sy nihosina teo amin’ny halotoana dia nitahiry takaitra saro-tsitranina.
Olona nilalao Ingahy Rabery sy Ramatoa Razafy; samy efa nihosikosina ela teo amin’ny fahotana. Tonga ny androm-pahalehibeazana: eo vao mitaky ny ditra fahiny.
Notezain’aretina izy mivady. Tsy afaka nanao na inona na inona ny vola sy ny harena. Ny fitiavan’ireto olon-tiana aza, tsy nahavita fiory: mampionona fotsiny ny saina rehefa manaikitra loatra ny aretina, na dia izay ihany.
Efa voro-damba mohaka ny tenany, tsinjony izany, ka dia ny fanahiny no nohantajahiny.
– Oadray! hoy Rabery, izato androm-pahalebiazantsika Razafy, takariva majombona! Moa naniry koa aho raha naniry hanana ilay mahatsara vahiny alohan’ny hilentehan’ny masoadrom-piainako! Nefa…
– Nahoana moa no mampahory saina amin izany ianao, rahavako? hoy Ramatoa Razafy, misy inona moa izay ity trano lay ity fotsiny? … Efa voadio ny fontsika. Efa voafotsy ny halotoana. Aoka ho raraka ny hoditra ho lo. Ilay voa notsoahana teo amin’ny fahalavoana mbola tsy simba: indro ao ihany. Zarantsika manana azy.
– Eny tokoa, hoy Rabery, zara aza fa tsy indray lo ny fanahy sy ny nofo!
Auguste RAJAOANARIVELO
In “Bina” Takila faha 100
Hadihadio io lahatsoratra io