Ny Fanahy

NY FANAHY

1)Famaritana

Fomba amam-pitondran-tena entina mifandray amin’ny mpiara-belona.

2)Ambaratongam-panahy

• Fanahy tahotra
• Fanahy henatra
• Fanahy fahendrena

3)Ny toetry ny fanahy

• Tsara fanahy: olona mieritreritra ny hoaviny sy ny an’ny hafa.
• Ratsy fanahy: olona mieritreritra ny hoaviny kanefa manimba ny an’ny hafa.
• Malemy fanahy: olona mora ifandraisana.
• Very fanahy: very hevitra, tsy mahita izay atao.
• Tanora fanahy: olona tsy manana fahamatorana.

4)Ny maha zava-dehibe azy

• Entin’ny Malagasy mandrefy ny maha olona anao.
• Mahatonga ny olona handefitra ka mampirindra ny fiaraha-monina.
• Ahafahan’ny olona mandanjalanja ny tokony hatao sy ny tsy tokony hatao.
• Ahatakaran’ny olona fa lanja miakatra ny fiainana.
• Ahafantaran’ny olona fa manana hery tsy azo tsapai-tanana izy.

5)Fomba fiteny, ohabolana, tenina mpanoratra

« Ny fanahy no maha olona ».
“Fotsifotsy fanahy toa takatra,ka tain-kary avy no atao trano”.
Charles RANAIVO : “Tsy ny volanao, tsy ny hery na ny tanjakao,… tsy ny tarehy amam-bikanao no maha olona anao, fa ny fanahinao sy ny toetranao entinao miaina”.
RANDRIANJOMANANA Olivier: “Raha tsy teo ny fandalana ny fanahy maha olona teo amin’ny Malagasy dia efa teraka tamin’ny ela any adi-poko.”
“Ny zaza fito tsy mahafehy trano, fa ny fanahy fito mahafehy trano.”
“Very fanahy mbola velona toy ny valala voatango.”
“Mitoto vary diavolana ka maka ny akoho”.